Чайгы үеде суг объектилеринге айыыл чок чоруктуң хемчеглери
Кижи бүрүзүнге шинчилеттинмээн черлерге болгаш билдинмес хөөлбектерге эштири айыылдыг дээрзин утпас болза, эки.
Эштир чер ийленчек, элезинниг, дүвү үнүштерден болгаш суг дүвүнүң довураа чок, эрик чоогунда хенертен кадыр апарган черлер чок турар ужурлуг;
- эки эштип билир болгаш шымнып билир улус сугда, ылаңгыя эрик кыдыында сугда чыдар будуктуг ыяштар, чидиг даштар (терең черинде болгаш суг черлерниң кырында) чок дээрзинге шынзыгар ужурлуг;
- эштир кезекте күштүг агым, боралгактар, хол-бут тырта берип болгу дег байдалды болдура бээр суг дүвүнде соок кара суг агымы чок турар ужурлуг.
Кичээнгейлиг! Дериттинмээн суг объектилериниң дыштаныр черлеринде, эриктен ырак черлеринде база сугга көзүлбес эң-не манавааны черлерде таваржы бээр сугда чыдар будуктуг ыяштар, чидиг даштар, шуушкак тейлер болгаш аңгы улуг борбак даштар турар.
Тыва Республиканың Өөредилге яамызы суг объектилериниң чанында дыштанып турар шупту улуг болгаш бичии улуска кол дүрүмнерни сагыыры чугула дээрзин сүмелеп турар.
Хөөлбектерге эштип турар улуска ХОРУГЛУГ:
- сагындырып турар болгаш хоруглуг бижиктерлиг, демдектерлиг щиттер (аншлагтар) тургузуп каан черлерге эштири;
- моторлуг, парустуг, эшкииштиг хемелер болгаш өске эштир херекселдер чанынче эштири;
- катерлерден, хемелерден, судно доктаадыр черлерден сугже шураары, а ол ышкаш ук сорулгалыг дериттинмээн тудуглардан шураары;
- хөөлбектер болгаш эриктер кыдыын бокталдырып хирлендирери;
- эзиртир суксуннар ижери, эзирик болгаш наркотиктиг байдалдыг эштири;
- суг объектилеринде кижилерниң дыштаныр черлеринче ыттар болгаш өске дириг амытаннар эккээп эжиндирери;
- эрик кыдыынга бок арттырары;
- меге дүвүрээзинниг медээ бээри;
- шымнып эштирин болгаш эштип турар улусту баштактанып тударын болдурбас;
- манзаларга, чудуктарга, чыдар херекселдерге, автомобиль камераларынга болгаш өске эштиринге таарыштыр дериттинмээн херекселдерге эштири.
Хамааты бүрүзү сугга айыылга таварышкан кижилерге шыдаар шаа-биле дуза көргүзер ужурлуг.
Дыштанылга үезинде хөөлбектерге улуг улус онза кичээнгейни бичии уругларже угландырар ужурлуг!
Улуг улус бичии уругларны хынаттынмаан болгаш аңгылап тургустунмаан черлерге эштирин база таарыштырбаан херекселдерге эштип ойнаарын база сугга өске оюннар ойнаарын база сугга айыыл чок чоруктуң дүрүмнерин хажыдарын чөпшээревес. Бичии уругларны, ылаңгыя чаш уругларны, эжиндирери чүгле улуг улустуң үзүк чок хайгааралы-биле болур.
#Лето2022Тувабезопаснаятерриториядетства #Лето2022 #Безопасностьнаводе #Безопасныеканикулы #минобразованиятыва
